Deputeti nga radhët e Aleancës për Ardhmërinë e Kosovës, Shkumbin Demaliaj ka reaguar ashpër ndaj deklaratës së deputetit të VV-së, Rexhep Selimit, i cili e ka kritikuar heshtjen e kryeministrit në largim, Ramush Haradinajt, në Gjykatën Speciale.
Demalijaj përmes Facebook, e ka quajtur Selimin “gjeneral maneken” duke thënë se ai po dëshiron ta mësojë Haradinajn se si të sillet në Gjykatë, shkruan Insajderi.
“Shumë e ke mbrojtur ti UÇK-në prej demobilizimit e deri sot. Bash as ndi nuk ta ka për atë punë. Veç ke prit e ke përcill komandanta e vet, qysh ka thonë Ramushi ,, asnji therrë hy s’të ka”, ka shkruar Demaliaj,
Demaliaj ka thënë se po i vie keq në çfarë ‘derexhe’ ka ardhë deputeti i VV-së, duke i thënë se mos ndoshta ka bërë ndonjë fabrikim kundër Haradinajt në Gjykatën Speciale sepse sipas tij, askush nga ta, nuk i beson më.
“Haradinajt shumë të kanë besuar (Ramushi e Dauti), por ti ua ke kthy shumë rrastë.Ti pshu……a votat që i merr..!! Marre”, ka përfunduar Shkumbin Demaliaj.
