Ministri i Shëndetësisë, Matt Hancock u ‘kap mat’ teksa shkëmbente puthje të zjarrta me sekretaren e tij Gina Coladangelo, të cilën e punësoi vitin e kaluar.
Coladangelo është drejtoreshë në fushën e komunikimeve në firmën e modës ‘Oliver Bonas’, e themeluar nga bashkëshorti i saj.
Milionerja punon për kompaninë e themeluar nga bashkëshorti i saj, ndërsa është gjithashtu edhe ‘krahu i djathtë’ i Ministrit të Shëndetësisë.
Nënë e tre fëmijëve, 43-vjeçarja është një aksionare kryesore në kompani, si dhe drejtoreshë në firmën në agjencinë e komunikimeve ‘Luther Pendragon’.
Coladangelo jeton me burrin dhe tre fëmijës e saj në Londër, ndërsa fotot e saj teksa puthte në mënyrë pasionante Ministrin e Shëndetësisë bërën bujë në mediat e huaja.
Mediat zbulojnë se këta dy të fundit njihen prej kohësh dhe janë takuar për herë të parë në Universitetin e Oksfordit ndërsa punonin në radio studentore së bashku.
Ajo studioi politikë, filozofi dhe ekonomi (PPE) në Oksford midis viteve 1995 dhe 1998, po ashtu edhe Hancock.
Pavarësisht se ata e njihnin njëri-tjetrin dhe me sa duket ruajtën miqësinë e tyre, Hancock u martua me Marta Millar në 2006, me të cilën tani ka tre fëmijë.
Një burim i tha ‘The Sun’ se ishte ‘tronditëse që Ministri i Shëndetësisë kishte një lidhje jashtëmartesore në mes të një pandemie, me një sekretare që ai përdori paratë publike për ta punësuar”.
Ndërsa, një mik i sekretarit tha se: “Ai nuk ka asnjë koment në lidhje me çështjet personale. Nuk është thyer asnjë prej rregullave”.
