Javë me mot të paqëndrueshëm, me shi e bubullima. Të martën e mërkurën, intervale më të gjata me diell.
Datat:
6.06.2021 – Java e dytë e qershorit do të karakterizohet me mot më të paqëndrueshëm. Kushtet për zhvillime të shtrëngatave me shi që paraqiten sot, priten edhe ditën e hënë që nga orët e mëngjesit, derisa temperaturat pësojnë një rënie të lehtë.
Ditën e martë e mërkurë do të ketë më shumë intervale me diell, por përreth viseve malore mbeten kushte për rrebeshe shiu. Ndërsa ditën e enjte e të premte sërish priten zhvillime të rrebesheve më të shpërndara me bubullima.
Sipas parashikimeve të fundit, këto kushte me mot të paqëndrueshëm me shi e bubullima mbeten edhe ditëve të fundjavës.
Në ditët vijuese indeksi i cilësisë së ajrit mbetet përreth vlerave të pranueshme, vende-vende kohëpaskohe mund të kaloj edhe në vlera mesatare.
Ditën e hënë indeksi i rrezeve UV do të jetë përreth vlerave mesatare, e nga dita e martë në vlera të larta, e në këto kushte preferohet ekspozim më minimal ndaj rrezeve të diellit orëve të mesditës.
7.06 – Kryesisht me vransira. Që nga orët e mëngjesit priten kushte për të reshura shiu të cilat gjatë ditës zhvillohen edhe si shtrëngata shiu. Vende-vende reshjet vazhdojnë edhe vonë në mbrëmje.
8.06 – Pjesërisht vranët e me intervale më të gjata me diell. Mirëpo, përreth viseve malore mbeten kushte për rrebeshe shiu me bubullima.
9.06 – Intervale më të gjata me diell. Orëve të pasdites përreth viseve malore me kushte për rrebeshe shiu e bubullima.
10.06 – Vransira dhe intervale me diell. Pasdite me kushte për rrebeshe shiu dhe bubullima.
11.06 – Vransira dhe intervale me diell. Pasdite me kushte për rrebeshe shiu dhe bubullima.
Temperaturat e ajrit pësojnë rënie të lehtë ditën e hënë, e më pas me tendencë të rritjes, ku lëvizin brenda vlerave mesatare, deri ditën e premte kur pësojnë sërish rënie të lehtë. Minimalet luhaten nga 12C deri në 14C, e maksimalet zbresin në 21C ditën e hënë, e më pas lëvizin nga 23C deri 25C.
Era do të fryj e lehtë dhe mesatare kryesisht nga veriu e verilindja 2-10m/s.
Shtypja atmosferike brenda vlerave normale.
