Deputeti i PDK-së, Bekim Haxhiu, në seancën e jashtëzakonshme që po mbahet në Kuvendin e Kosovës, ka folur për Ditë Kundër Homofobisë, ku Qeveria e Kosovës ka ndezur dritat me ngjyrat e komunitetit të LGBT-së.
Ai ka thënë se ka një kërkesë për Qeverinë, duke pyetur se kush i ka lëshuar këto drita.
“Vetëm deshta me pyet kush i dhezi dritat e LGBT-së në Qeveri? A i dhezi Albini a Besniku?”, ka pyetur Haxhiu.
Në Kuvendin e Kosovës po vazhdon seanca e jashtëzakonshme pa dy partitë opozitare, LDK dhe AAK, të cilët janë larguar nga salla e Kuvendit pasi që kryeministri Kurti nuk ishte prezent.
