Avokati i Thaçit, Pierre Richard Prosper, ka thënë se nuk posedojnë të gjitha dokumentet të cilat janë përmendur në aktakuzë.
Ai ka thënë se ato dokumente janë “të këqija dhe të palexueshme”.
“Ka informacione që mungojnë. Ka prova që janë përmendur të cilat nuk na janë vënë në dispozicion. Por besojmë se duhet nxjerrë më shumë informacion. Ajo çfarë na është vënë në dispozicion është material i keq, i palexueshëm dhe jo i plotë“, tha ai.
Ish presidenti i Kosovës Hashim Thaçi,Kadri Veseli, Rexhep Selimi e Jakup Krasniqi po akuzohen nga Gjykata Speciale për krime lufte.
Ata u arrestuan në fillim të nëntorit të vitit të kaluar.
