Një i dërguar i Shteteve të Bashkuara të Amerikës ka mbërritur në Tel Aviv për bisedime për të arritur një armëpushim mes Izraelit dhe Palestinës teksa trazirat po vazhdojnë në ditën e gjashtë.
Hady Amr do të marrë pjesë në bisedime me zyrtarë izraelitë, palestinezë dhe ata të Organizatës së Kombeve të Bashkuara me shpresën për të rënë dakord për një armëpushim, raporton BBC, përcjell Klankosova.tv
Të shtunën herët, Izraeli kreu sulme ajrore në Gaza dhe militantët palestinezë u përgjigjën duke qëlluar me raketa në Izrael.
Përleshjet e regjistruara gjatë pesë ditëve të fundit shënojnë dhunën më të rëndë në rajon ndër vite.
Hamas – grupi militant islamik që sundon në Gaza filloi të lëshonte raketa pasi paralajmëroi Izraelin të tërhiqej nga vendi, duke shkaktuar sulme ajrore hakmarrëse.
Të paktën 133 njerëz janë vrarë në Gaza dhe tetë kanë vdekur në Izrael që nga fillimi i luftimeve.
