16 persona kanë humbur jetën si pasojë e COVID-19 gjatë 24 orëve të fundit në Maqedoninë e Veriut. Ndërkohë, janë regjistruar edhe 150 raste të reja nga 2 mijë e 93 testime të kryera,
Instituti i Shëndetit Publik në Maqedoninë e Veriut ka njoftuar të mërkurën se janë shëruar 487 pacientë.
Që nga fillimi i pandemisë, në Maqedoninë e Veriut janë regjistruar gjithsej 154 mijë e 372 raste, prej të cilëve 139 mijë e 266 janë shëruar, kurse 5 mijë e 151 kanë ndërruar jetë. Ndërkaq, numri i rasteve aktive është 9 mijë e 955.
