Kryetari i Kuvendit, Glauk Konjufca, ka uruar besimtarët muslimanë me rastin e festës së Fitër Bajramit.
Përmes një video-incizim, Konjufca ka shtuar se Fitër Bajrami është festa e solidaritetit që shënon fundin e muajit të Ramazanit, muajit të Kuranit, mëshirës, faljes dhe pendimit.
Ai, gjithashtu shtoi se edhe këtë vit jemi në situatë pandemike duke kërkuar nga qytetarët që ti përmbahen masave antiCOVID në bazë të rekomandimeve institucionale.
“Të gjithë së bashku të shikojmë të ardhmen me shpresë e guxim në përputhje me traditat tona të unitetit dhe mbështetjes së ndërsjellë që na ka ruajtur dhe mundësuar që të ecim përpara brez pas brezi. Solidariteti me të tjerat dhe besimi në zemrat tona do të sjellin paqe dhe qetësi në këto kohë të pasigurisë”, tha Konjufca.
