Një grabitje ka ndodhur pak më parë në një lokal në lagjen ‘Mati 1’ në Prishtinë.
Kjo është konfirmuar edhe nga Policia e Kosovës, të cilët kanë deklaruar se si pasojë e kësaj grabitej nuk ka persona të lënduar.
Poashtu u theksua se me të marrë informatën në vendin e ngjarjes kanë dalë njësitë policore, ndërsa nga të dhënat e para dyshohet se grabitja është kryer nga disa persona të dyshimtë të cilët më pas kanë ikur nga vendi i ngjarjes.
“është raportuar për një grabitje të ndodhur në një dyqan në lagjen Mati 1. në Prishtinë.Pas marrjes së informacionit, policia ka dalë në vendngjarje dhe bazuar në të dhënat e para dyshohet se grabitja është kryer ngado të dyshuar të cilët më pas kanë ikur nga vendi i ngjarjes, teksa nuk raportohet për persona të lënduar”, ka thënë zëdhënësja e policisë për rajonin e Prishtinës, Flora Ahmeti.
Gjithashtu u theksua se aktualisht policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve.
