Prokuroria Themelore në Gjilan ka njoftuar se ka ndaluar edhe një person lidhur me rastin “Karaçeva”,
V.B. dyshohet se ka kryer veprën penale “organizimi i skemave piramidale dhe bixhozit të paligjshëm”.
Sipas Prokurorisë, i pandehuri dyshohet se gjatë vitit 2020 në mënyrë ilegale pati zhvilluar veprimtarinë e lojërave të fatit në një kazino në fshatin Karaçevë të Kamenicës.
Me vendim të prokurores së rastit, i pandehuri është në ndalim prej 48-orësh.
Në shtator të vitit të shkuar, në Karaçevë ishin arrestuar dhjetëra persona, në mesin e të cilëve edhe zyrtarë policorë, nën dyshimet për bixhoz të paligjshëm e kontrabandim me mallra.
