Policia e Kosovës ka arrestuar një person i cili në kërkim për veprat vrasje në tentativë dhe grabitje e armatosur.
Lajmi për Metron është konfirmuar nga zëdhënësja e Policisë së Kosovës për rajonin e Prishtinës, Flora Ahmeti.
“Sot Njësiti i Hetimeve të Përgjithshme në bashkëpunim me njësitet e stacionit të Veriut në Prishtinë, kanë arritë të lokalizojnë vendodhjen e personit të dyshuar, i cili kërkohej për veprat, vrasje në tentativë dhe grabitje e armatosur. Rasti ka ndodhur me datën 28 mars 2021 në rrugën “Mon Balaj”, në Prishtinë, saktësisht në një pompë derivatesh”, ka thënë Ahmeti për Metron.
Tutje ajo ka thënë se pas marrjes së autorizimeve nga ana e porokurorisë dhe gjykatës përkatëse, hetuesit rajonal kanë ndërmarrë një operacion bastisjeje në lagjen Bregu i Diellit në Prishtinë, i cili ka rezultuar me arrestimin personit të dyshuar.
“Personi i arrestuar është A. K, mashkull, 19 vjeç, shtetas i Republikës së Kosovës, i cili ishte i shpallur në kërkim nën dyshimin e bazuar për përfshirje në veprat në fjalë”, ka bërë të ditur Flora Ahmeti për Gazeta Metron.
Personi i dyshuar pas intervistimit me urdhër të prokurorit është dërguar në mbajtje.
