Policia e Kosovës ka vazhduar edhe sot kontrollet së bashku me inspektorët për të monitoruar zbatimin e masave antiCOVID.
“Policia e Kosovës që nga shfaqja e rasteve të para të infektimit me virus Covid-19 është angazhuar me përkushtim në ofrimin e mbështetjes për autoritetet shtetërore në funksion të menaxhimit të situatës, implementimit të planeve në zbatim të masave dhe kufizimeve për të parandaluar përhapjen e virusit”, thuhet në një komunikatë.
“Pavarësisht detyrave dhe angazhimeve tjera policore, në çdo kohë dhe në çdo vend, Policia është duke operuar me zyrtarët e saj dhe Inspektorët e AUV, për të kontribuar në respektimim e masave dhe në ruajtjen e shëndetit publik”, njoftohet tutje.
