Imami Shefqet Krasniqi, ka folur për çështjen e vendosjes së ambasadës së Kosovës në Jerusalem, shkruan Gazeta Sinjali.
Ai nuk u shpreh kundërshtues për këtë çështje.
“Është në interes të shtetit me marrë sa më shumë njohje. Njohja e shteteve të forta, krijimi i marrëdhënieve me shtetet të forta është në interes të Kosovës” – ka thënë Shefqet Krasniqi.
Sidoqoftë, ai u shpreh i shqetësuar për reagimin e ashpër të Turqisë.
“Nuk u bo nami që Kosova e ka qitë ambasadën aty (në Jerusalem). Por, për neve është tepër me rëndësi me e rujtë raportin e mirë me Turqinë” – shtoi ai.
“Unë i druhem raporteve të Turqisë me Kosovën. Por nuk besoj që do të ketë ndonjë pasojë të madhe, me ndikim të madh” – përfundoi ai.
