Pasi dështoi votimi për ndryshimin e Ligjit për Zgjedhje, Besnik Tahiri i AAK-së ka folur për media.
Ai ka kritikuar mënyrën se si u soll ky ligj në Kuvendin e Kosovës. Sipas Tahirit, u tentua që ky ligj të kontrabandohet dhe të shpërfaqet me një kulturë të paparë në historinë parlamentare të Kosovës.
Tahiri e ka ritheksuar që nuk do ta votojnë Vjosa Osmanin për presidente dhe nuk do të marrin pjesë në votim.
“Vazhdon të kemi qëndrime të qarta për çështje e presidentit. Ne e kemi kandidatin tonë, Ramush Haradinaj. Ne mendojmë që është kandidati më i mirë. Nuk votojmë, nuk marrim pjesë, nuk bëjmë kuorum për zgjedhjen e presidentes”, u shprehë ai
