Mazhoranca parlamentare nesër do të tentojë ta zgjedhë presidentit. Kandidat për presidentë nga Lëvizja Vetëvendosje janë Vjosa Osmani dhe Nasuf Bejta.
Nesër do të thirret seancë me qëllim të zgjedhjes së presidentit.
Dicka të tillë ka thënë edhe Haxhi Avdyli. Sipas tij, nesër do të votohet Vjosa Osmani për presidente.
E a do të zgjedhet, sipas Avdylit, ka shumë pak mundësi.
“Mundësia është shumë e madhe që të dështojë zgjedhja e Osmanit”, ka thënë AvdylI.
Sonte gjithashtu është propozuar që të votohet për ndryshimin e Ligjit për Zgjedhje.
Dicka e tillë është komentuar negativisht gjatë ditës nga analistë dhe shoqëria civile. Kjo për shkak se ligji i tillë do duhej të bëhej në koordinim me opozitën dhe shoqërinë civile.
Opozita ka kundërshtuar kategorikisht këtë iniciativë. Hoxhaj i PDK’së ka thënë se me këtë veprim Kurti po tenton ta ngulfatë shtetin. Ndërsa Abdixhiku i LDK’së tha se Kurti po e shantazhin opozitën.
Madje, i pari i LDK’së bëri thirrje që kjo iniciativë të tërhiqet, përndryshe sipas tij, Kurti do ta çojë vendin në zgjedhje.
Seanca për të votuar këtë ligj në Kuvend është thirrur sonte nga ora 21:30 dhe opozita tashmë janë futur në sallë për ta pamundësuar kalimin e këtij ligji.
