Një skandal ka shpërthyer në Trepçë, e dëmi nga gjithë kjo thuhet që kalon qindra mijëra euro, pasi në secilin kamion humbja është mbi 500 dollarë.
U raportuar se, si ishin vjedhur mbi 300 kg në çdo kamion që ishte ngarkuar me koncentrat për t’u eksportuar.
E pas kësaj, sot njësia për Krimet Ekonomike e Policisë së Kosovës ka vizituar Minierën e Trepçës.
E për këto dyshime menaxhmenti aktual ka kërkuar nga Prokuroria dhe Policia ta zbardhin këtë dyshim që daton prej kohësh.
E për këtë skandal ka folur edhe ish-agjenti i SHIK-ut, Naim Miftari.
Ai përmes një postimi në Facebook, e quan vjedhje të shekullit.
Ish-komandanti i UÇK-së, thotë se, Trepça është vjedhur që nga vitin 1999.
Ai ka treguar se edhe kush është përfshirë në këtë vjedhje.
Postimi i plotë:
Vjedhja e shekullit në Trepçë
Tani ka nis të folët nga pak si vetëm nga VAGAT e kurdisura është vjedh Trepça në çdo kamion për afërsisht 500 dollar vetëm në vitet e fundit por Trepça është vjedh e plaçkitur rregullisht që nga viti 1999 deri më 2021…, por ju nuk e keni as idenë ma të vogël se e sa deputeti sa ministri, sa kryeministri, sa kryetari dhe vllau i kryetarit të Kosovës, sa eprori i SHIK_ut, sa komandanti i luftës ka vjedh bashkë me Zvonko Veselinoviçin, sa kryeprokurori e sa epror i policisë e të doganës janë të përfshirë në vjedhjen e shekullit.
Dhe jo dy tre milionë të Xhavit Halitit por mbi një 1.000.000.000 deri 2.000.000.000 miliardë dollar është vjedhja në Trepçë ku është vjedh djersa e minatorëve tan është vjedh pasuria e shtetit dhe popullit të Kosovës, dhe kjo vjedhje nis në Kosovë përfundon në Kinē, Indonezi, Bullgari….!
Kryeministër Albin Kurti, z Sveçla, Kryeprokuror Lumezi, Dogana, AKI-ja, Hetuesi ku jeni mos fleni?
