Lidhja e “gardës së vjetër” ka zgjedhur kryetar 37-vjeçarin Lumir Abdixhiku.
Lumir Abdixhiku është zgjedhur kryetar i Lidhjes Demokratike të Kosovës në Kuvendin e tetë të LDK-së.
Ekonomisti Abdixhiku është kryetari më i ri që e ka udhëhequr ndonjëherë LDK-në, ndërsa timonin e partisë po e merr në gjendjën më të keqe të saj prej themelimit.
Ai zyrtarisht është pjesë e LDK-së prej vitit 2017 dhe është zgjedhur tri herë deputetë në tri palë zgjedhje. Në të fundit, ai mbante numrin 11 në listë, ndërsa doli i treti më i votuari.
Lumir Abdixhiku ka marrë më së shumti vota në garën për Kryetar të LDK-së.
Sipas burimeve të Klan Kosova Abdixhiku deri më tani ka siguruar 191 vota të delegatëve të LDK-së, karshi dy kundërkandidatëve tjerë; Lutfi Haziri dhe Besian Mustafa.
Për dallim nga Abdixhiku, Haziri ka marrë 116 vota, ndërkaq gjashtë vota ka marrë Mustafa.
LDK-ja është akuzuar gjithmonë se nuk po reformohet dhe se vendimet e saj i marrin udhëeqja e quajtur “garda e vjetër”, të cilët janë pjesë e LDK-së prej dekadash.
Ndonëse është përfolur afërsia e Abdixhikut me ish-kryetarin Isa Mustafa, kryetari i zgjedhur i LDK-së kohëve të fundit, së paku publikisht, nuk kishte qëndrime të njëjta me udhëheqjen e partisë. Ai madje nuk kishte pranuar të bëhej ministër i Qeverisë që e udhëhiqte LDK-ja, pas rrëzimit të Albin Kurtit.
Abidxhiku kishte kundërkandidat, nënkryetarin e LDK-së, Lutfi Hazirin, që numëron disa dekada si pjesë e LDK-së. Kandidat ishte edhe Besian Mustafa, djali i veprimtarit të vrarë të LDK-së, Xhemajl Mustafa.
Pas certifikimit të zgjedhjeve, LDK-ja ka dalë partia e tretë me 12.76 për qind të votave. Pas rezultatit të shënuar, kryetari i LDK-së, Isa Mustafa e deklaroi dorëheqjen
