Përfaqësuesi i Bashkimit Evropian, Miroslav Lajçak, edhe pse nuk ka dhënë një datë ka bërë të ditur se dialogu mes Kosovës dhe Serbisë, pasi ka thënë kështu janë marrë vesh gjatë takimeve që ka zhvilluar me Albin Kurtin dhe Vjosa Osmanin.
Ai ka thënë se beson që dialogu me Serbinë do të përfundojë gjatë mandatit të qeverisë Kurti dhe se nuk pret që dialogu të zgjat me vite.
“Ky proces mund të përfundojë në disa muaj, por nuk është çështje e viteve, por nuk është Unioni Evropian që ta shpejtojë çështjen, nuk do te ngutemi, Kosova e Serbia do të vendosin sa shpejt të vazhdojnë. Nëse takohen në baza mujore ose në baza javore do ta lehtësojnë. Nuk presim të zgjate tre, pesë apo dhjetë vite”, tha Lajçak, në konferencën e përbashkët me u.d. të presidentes, Vjosa Osmani, shkruan Reporteri.net.
Ai tha se beson që ky proces do të përfundojë gjatë mandatit të qeverisë Kurti.
“Po mendoj se mund ta kompletojmë këtë proces me marrëveshje gjithëpërfshirëse gjatë mandatit të Kurtit dhe Osmanit. Nuk shoh pengesa në këtë rrugë”, ka thënë Lajçak.
