Sot se rreth orës 07:30 është raportuar për një zjarr në një shtëpi në rrugën “Robert Doll” në Prishtinë, shkruan Gazeta Sinjali.
E lidhur me këtë pronarja e shtëpisë, Dushe Zeneli në pamundësi për të folur para kamerës, e shqetësuar nga ky rast, tha që dyshimet janë zjarri ka ardhur si pasojë e ndërprerjes së shpeshtë të rrymës.
Ajo për EO ka sqaruar më pas se katër anëtarë të familjes ishin në gjumë në rastin kur ka ndodhur zjarri.
Lajmin për Gazetën Sinjali e ka konfirmuar zëdhënësi i PK-së për rajonin e Prishtinës, Agron Borovci, i cili tha se policia dhe zjarrfikësit kanë dalur në vendin e ngjarjes, gjersa shtoi se nuk raportohet për të lënduar, përveç dëmeve materiale.
“Menjëherë pas marrjes së informatës policia ka dalë në vendin e ngjarjes si dhe zjarrfikësit të cilët kanë lokalizuar zjarrin. Nuk raportohet për të lënduar përveç dëmeve materiale”, tha ai.
