Kandidatja për presidente Vjosa Osmani theksoi se qytetarët sot përmes votës, përmes vullnetit të tyre do të përcaktojnë të ardhmen e vendit.
Osmani pas votimit theksoi se të gjithë duhet me maturi dhe qetësi të marrin pjesë në këtë proces zgjedhor, të rëndësishëm për vendin.
“Është një ditë e ftohtë por i ftojë qytetarët që të marrin pjesë në një ditë kaq të rëndësishme për vendin. Një ftesë e veçantë për të gjitha gratë dhe vajzat që të marrin pjesë në këtë proces se barazia fillon në kutitë e votimit”, tha Osmani.
Ajo falënderoi mërgatën që sipas saj kanë bërë sakrificë të madhe për të marrë pjesë në këtë proces zgjedhor.
