Kosovarët nesër do t’i drejtohen kutive të votimit. Me 14 shkurt, Kosova do të votojë në zgjedhje të jashtëzakonshme parlamentare. Për 20 vite në vend janë mbajtur disa procese zgjedhore, shkruan Gazeta Sinjali.
Dita e shtunë, 13 shkurt, shënon zyrtarisht përmbylljen e kohës së fushatës zgjedhore, të cilës i paraprin heshtja një-ditore zgjedhore.
Komisioni Qendror i Zgjedhjeve të shtunën ka nisur shpërndarjen e materialit të ndjeshëm zgjedhor, ku bëjnë pjesë edhe fletëvotimet.
Po ashtu (KQZ) ka mundësuar që votuesit të mund ta kontrollojnë përmes internetit vendin ku do të votojnë.
Në këtë link mund të mësoni se ku do të votoni në zgjedhjet parlamentare, se a është a po nuk është vendvotimi i juaj i njëjtë me zgjedhjet e kaluara.
Gjithçka që ju duhet është të shkruani numrin tuaj personal.
Ndryshe, sipas KQZ-së, janë gjithsej 1.794.862 qytetarë me të drejtë vote, ndërkaq numri i fletëvotimeve që janë shtypur është 1.617.200 fletëvotime.
Të drejtë vote kanë të gjithë ata qytetarë të cilët janë prezentë në listat e votueseve dhe se ato lista përmbajnë jo vetëm votuesit që janë rezidentë në Kosovë, por edhe ata të cilët jetojnë jashtë vendit.
Komisioni Qendror bënë të ditur se në Kosovë janë gjithsej 888 qendra të votimit.
