Mesfushori spanjoll ka tetë vite pjesë e Real Madridit, por në dy sezonet e fundit ai nuk ka qenë pjesë e formacionit bazë dhe nuk është preferuar shumë nga trajneri Zinedine Zidane.
Kjo situatë e ka lodhur si duket lojtarin i cili ka pranuar largimin nga Los Blancos gjatë afatit kalimtar të verës.
Lajmet e fundit që vijnë nga Spanja kanë raportuar se Isco ka pranuar transferimin në verë te Sevilla.
Real Madridi është i interesuar për dy mbrojtësit e Sevillës, Jules Kounde dhe Diego Carlos.
Kësisoj Los Blancos do ta përfshijnë Iscon në një marrëveshje shkëmbimi me njërin nga mbrojtësit e Sevillës.
Gjithsesi përveç Iscos në marrëveshje, Realit do t’i duhet të shtojë edhe një pjesë të parave, pasi si Kounde ashtu edhe Diego Carlos kanë një vlerë më të lartë se sa mesfushori spanjoll.
