Kandidati për kryeministër nga Vetëvendosje, Albin Kurti, ka thënë se letra e presidenti të SHBA-së, Joe Biden dërguar presidentit të Serbisë, Aleksandër Vuçiq, e tregon esencën se në marrëveshjen gjithëpërfshirëse Prishtinë-Beograd duhet të jetë njohja e Kosovës.
“Mendoj se ishte një letër e cila tregoi esencën ku presidenti i SHBA-së i thotë atij të Serbisë se marrëveshja gjithëpërfshirëse mes Kosovës dhe Serbisë për normalizim duhet ta ketë në qendër njohjen reciproke, ku duhet të njifet shtetësia e Kosovës. Unë besoj që nuk duhet të flasim për për statusin e Kosovës pasi është e pavarur. Unë mendoj se duhet të flasin për statusin e Serbisë, për Kushtetuën e saj që e ka mbrapa të shkruar nga koha Koshtunicës”.
Kurti në një bashkëbisedim virtual me qytetarët ka deklaruar se zgjedhja e Joe Biden si president i ri i SHBA-së është një shans i shkëlqyeshëm për Kosovën.
“Me SHBA-të duhet t’i forcojmë marrëdhëniet bilaterale, ata mbesin aleati ynë kryesor dhe janë partneri ynë historik. Në fushat e ekonomisë dhe politikës duhet të bashkëpunojmë ngushtë me ata”.
“Zgjedhja e Biden si president i ri këtij vendi është një shans e shkëlqyeshme e për ne, kjo pasi ai e njeh historinë e Ballkanit dhe veçanërisht historinë e Kosovës. Ka qenë i përfshirë vet në shumë zhvillime politike dhe diplomatike. Ai e ka vizituar vendin tonë, djali i tij kishte shërbyer këtu, tashmë është i ndjerë”.
Kurti ka thënë se ish-presidenti i SHBA-së Donald Trump, kishte një logjik transaksionale, dhe shtuar se do të kërkojnë drejtësi nga Serbia për krimin dhe gjenocidin e kryer në Kosovë.
“Mendoj që presidenti Biden do të jetë ai që nuk do ta ketë logjikën e presidentit që shkoi një logjikë transkansionale, ku politika dhe biznesi e kanë pak a shumë të njëjtën logjikë. Ne e kuptojmë se politika është financa, por para se të jetë financa, ajo është ekonomi. Ne e kuptojmë se para se të jetë ekonomi është edhe histori. Nuk mund ta neglizhojmë historinë kush e neglizhon atë, ajo i rikthehet. Ne mendojmë se financa nuk duhet të dominojë mbi ekonominë, por ajo duhet t’i shërbejë, politikën e shohim si histori”.
“Në rastin e Serbisë e kemi fjalën për krimet që nuk është penduar fare, i kemi krimet që janë kryer gjatë luftës së fundit. Për të gjitha dëmet shkaktuar Serbisë do t’i kërkohet llogari, duke kërkuar përgjigje nga ajo ne do të arrijmë tek e vërteta, për ata që nuk e kanë gjetur akoma drejtësinë”, ka thënë Kurti.
