Shtatë persona kanë përfunduar në spital pas lëndimeve të marra nga një aksident trafiku në Llaushë të Skenderajt.
Lajmin e ka konfirmuar zëdhënësi i policisë për rajonin e Mitrovicës, Avni Zahiti.
“Një aksident trafiku me të lënduar ka ndodhur rreth orës 18:00, në rrugën rajonale Skenderaj-Klinë, segmenti rrugor fshati Llaushë. Në aksident ishin të përfshira një veturë dhe një kamionetë, si pasojë e aksidentit, shtatë persona kanë kërkuar tretman mjekësor”, ka thënë Zahiti.
Ditëve të fundit nga Policia e Kosovës pati raporte për një numër të konsideruar aksidentesh, disa prej të cilëve përfunduan edhe me fatalitet.
