Elmi Reçica: "Mjaftë më, Spitali në Ferizaj duhet të ndërtohet, boll e keni bllokuar e zvarritur punën"

Deputeti i Kuvendit të Kosovës, nga radhët e PDK-së, Elmi Reçica, ka reaguar ashpër në lidhje me vonesat që po ndodhin në ndërtimin e spitalit në Ferizaj. Sipas Reçicës, këto vonesa dhe pengesa janë të paparashikuara, duke kërkuar që puna të rifillojë sa më shpejt që të jetë e mundur dhe të përfundohet ky spital, i cili është jetik për Ferizajn dhe banorët e tij, shkruan Telegramisot

Ky është postimi i plotë i deputetit të PDK-së, Elmi Reçica

Lexo më shumë

Gazeta gjermane Bild: Vladimir Putin e ka prejardhje nga Kosova?

Droni rus në Rumani, Von Der Leyen: Kërcënim serioz për sigurinë

September 15, 2025

Ish-dhëndrri e plagosë me armë mikun në Gjakovë

Të shtëna me armë në Fushë Kosovë, arrestohet 22-vjeçari

September 15, 2025

Barrierat dhe prolongimet e panevojshme të ndërtimit të Spitalit Rajonal të Ferizajt

Ndërtimi i Spitalit të ri Rajonal të Ferizajt, ka një tregim në vete që lidhet me historikun e Spitalit të qytetit të Ferizajt, përkatësisht që nga qershori i vitit 1999, në ditën kur Spitali ushtarak i Zonës Operative të Nerodimës me mbi 100 të plagosur dhe personelin mjekësor nga zona e luftës u vendosën në njërin segment të Shtëpisë së Shëndetit të qytetit në të cilin objekt gjendet edhe sot spitali i Ferizajt. Fillimisht, ky spital operonte me tri repartet: Urgjenca, Gjinekologjia dhe Kirurgjia.

Duke pasur parasysh, përmbushjen e nevojave specifike shëndetësore të 200 mijë qytetarëve të regjionit të Ferizajt, si dhe për ta avancuar në nivelet më larta spitalore atë̈ që e kishim filluar në qershor të vitit 1999, bashkërisht me shumë kolegë nga PDK-ja dhe profesionistë shëndetësor jemi përkushtuar dhe angazhuar vazhdueshmëm që Ferizaj, me të drejtë të këtë̈ Spitalin e Ri, ku do të ofroheshin shërbime të larta shëndetësore sipas standardeve botërore për pacientët.

Ndërtimi i Spitalit të Ri Rajonal të Ferizajt është projekt i nisur nga viti 2013, projekti i ndërtimit të këtij spitali qe përfshirë në planin afatmesmëm të buxhetit të Republikës së Kosovës, por në mandatin qeverisës 2014-2017, kryetari i LDK-së në Ferizaj dhe ministri i shëndetësisë nga radhët e LDK-së, padrejtësisht patën prolonguar dhe zvarritur procedurat e fillimit dhe zbatimit të ndërtimit të Spitalit nëpërmjet momenteve e vendimeve krejtësisht të panevojshme.

Më tej, përkundër pengesave dhe zvarritjeve politike e administrative, në vitin 2018 Partia Demokratike e Kosovës, pati filluar realizimin e projektit të spitalit, përkatësisht në mandatin e ministrit të shëndetësisë, Uran Ismaili, në vazhdën e reformave shëndetësore, në korrikun e vitit 2018, solemnisht qe vendosur gurthemeli dhe pati filluar ndërtimi i Spitalit Rajonal të Ferizajt, me qëllim që përfundimisht të mundësonte përmirësimin e shëndetit dhe të cilësisë së jetës përmes shërbimeve më të larta shëndetësore, të bazuara dhe të udhëhequra sipas protokolleve ndërkombëtare të shëndetësisë.

Fatkeqësisht, kohëve të fundit janë̈ rikthyer barrierat e panevojshme, përkitazi me zvarritjet procedurale për vazhdimin e finalizimit të spitalit nga ana e ministrit të shëndetësisë si dhe përmes vendimit të qeverisë për tërheqjen e fondeve dhe ridestinimin e mjeteve buxhetore për vazhdimin e ndërtimit të spitalit dhe pengesave të tjera edhe atë pas premtimit të ministrit Zemaj në përgjigjen e tij në pyetjen parlamentare, kështu që duke u pamundësuar përfundimi i spitalit tejet të nevojshmëm.

Ditë më parë, në Kuvendin e Kosovës, përmes parashtrimit të pyetjes parlamentare drejtuar ministrit Zemaj, përveç tjerash, kam kërkuar që të vazhdohen punimet për finalizimin e spitalit përkatës, me këtë rast, ftojmë të gjithë akterët qeveritarë e institucional, që sa më parë të zhbllokojnë dhe të zgjidhet kjo situatë e të mundësohet vazhdimi i përfundimit të Spitalit Rajonal të Ferizajt, që në fakt deri më tani do të duhej të përfundonte dhe të ishte në shërbim të qytetarëve e pacientëve.

Sikurse të mos ngjanin këto pengesa e bariera, sot ky spital do t’i shërbente për mrekulli, shëndetit dhe nevojave të pacientëve të komunave të regjionit të Ferizajt në rrethanat me të cilat po ballafaqohemi në këtë kohë të vështirë pandemie.
Qytetarët e Rajonit të Ferizajt, e meritojnë dhe kanë të drejtë, madje është nevojë imediate, që sa më parë të kenë Spitalin e tyre dhe të marrin shërbime efikase shëndetësore e profesionale.