Familja Rrahimi nga qyteti i Podujevës është goditur rëndë nga Covid-19 brenda dy ditësh.
Babai dhe djali i kësaj familje kanë vdekur si pasojë e infektimit me coronavirus, shkruan Reporteri.net.
Lajmi është bërë i ditur nga familjarët e Isuf dhe Valon Rrahimit.
Ngushëllime familjarëve u ka shprehur edhe deputeti i Lidhjes Demokratike të Kosovës, Visar Hoti.
Shkrimi i plotë nga deputeti Hoti:
Nuk di se si do të mbyllej dita më e trishtueshme për familjen e Valonit, mua si fqinjë e shok i tijë dhe gjithë qytetarët e Podujevës.
Sot nga virusi famë keq Covid-19 vdiq Valon Rrahimi, tri ditë pas vdekjes së babës së tijë Isuf Rrahimi nga po i njëjti virus.
E vështirë ta gjejshë forcën për ta përcjellur në botën e amëshueshme në moshë aq të re një djalë të urtë, punëtor e shumë i sjellshëm siq ishte Valoni.
Ndonëse u rritëm në një mahallë në kushte e kohë shumë të vështira bashkë edhe me Fidanin, Ditarin, Ilirin, Samirin, Arsimin, Burimin, Xhevdetin, Mensurin, Muhametin, Jetonin e shumë të tjerë, gyrbeti, shkollimi e puna na ndau fizikisht, por dashuria që kishim për njëri tjetrin, gjithmonë ishte e freskët kur do që takoheshim.
Allahu e mëshiroftë e na takoftë në Xhenet me të.
Ngushëllime gjithë familjarëve, miqëve, shokëve dhe kolegëve të tijë.
