Një sulm terrorist ka ndodhur mbrëmjen e sotme në Vjenë të Austrisë. Media të ndryshme botërore raportojnë për disa të vdekur gjatë të shtënave me armë në kryeqytetin austriak. Deri tash është raportuar se së paku dy persona janë vrarë, ndërsa Spitali i qytetit të Vjenës thotë 15 persona të plagosur kanë kërkuar trajtim mjekësor.
Shefi i Spitalit të Qytetit të Vjenës ka folur me transmetuesin Australian ORF, shkruan The Guardian, transmeton Gazeta Express.
Ai thotë se 15 persona janë plagosur në sulm, ose janë lënduar gjatë të shtënave ose gjatë luftimeve. Kjo nuk është konfirmuar nga policia në këtë pikë.
Policia e Austrisë ka bërë thirrje të shmangen të gjitha sheshet e qytetit. Gjithashtu kanë thënë se po veprojnë me të gjitha forcat në dispozicion sepse deri tash ka disa të vrarë dhe të plagosur.
Policia e Vjenës përmes një shkrimi në twitter ka njoftuar se po përballen me të shtëna në gjashtë lokacione të ndryshme në kryeqytet.
“Në ora 8:00pm, janë dëgjuar të shtëna me armë zjarri në Seitenstettengasse. Disa të dyshuar të armatosur me pushkë automatike në gjashtë lokacione të ndryshme. Një i vrarë dhe disa të plagosur. Një i dyshuar i vrarë nga forcat e rendit”, thuhet në reagim.
Media austriake, Heute, ka raportuar se disa persona janë marrë peng ndërkohë që raportohet po ashtu se njëri prej sulmuesve është vrarë.
Sipas një fotografie që është bërë virale në Tëitter, katër të dyshuarit janë dorëzuar, e më pas arrestuar nga Policia e Austrisë.
