Covid-19 po bashkëjeton me ne dhe vazhdon të jetë i rrezikshëm, respektoni rregullat dhe parandaloni valën e dytë.
Një mesazh për qytetarët të cilët e marrin lehtë dhe mendojnë që Virusi Covid-19 nuk ekziston. Covid-19 vazhdon të jetë i rrezikshëm, qytetarët duhet të kuptojne që ai ekzisotn, shkruan Telegramisot.com
“Njeriu lufton për jetën e tij…Shpresa është ajo që vdes e fundit. Kjo është pikërisht ajo që kanë përjetuar shumë pacientë në këtë kohë pandemie dhe që vazhdojnë të përjetojnë në Shqipëri dhe në mbarë globin, por tashmë në një trajtë më të lehtë pasi aktiviteti i Covid vazhdon te agravohet ne keto momente. Kështu shprehet në një intervistë për Gazeten Scanner Ermand Mertenika, inxhinier i pajisjeve respiratore në spitalet Covid në Shqipëri, tek Infektivi dhe “Shefqet Ndroqi”, i cili prej muajsh ka parë nga afër emergjencën që ka krijuar pandemia në vendin tonë.
Sipas tij, situata deri diku në Shqipëri dhe në botë është qetësuar dhe ka një rënie të ndjeshme të personave, të cilët kalojnë në gjendje emergjente për jetën.
Prej fillimi të pandemisë, ai qëndron pranë mjekëve dhe pacientëve të infektuar me Covid-19, në vijën e parë të frontit në luftën me koronavirusin dhe kjo ka bërë që të jetë një njohës i mirë i rrezikut që i shkakton mushkërive ky virus.
“Covid-19 është një virus agresiv dhe specifik pra tenton të shkatërrojë mushkëritë e pacientëve pra njësitë më të vogla të mushkërive të cilat quhen Alveolë, aty pikërisht ndodh kalimi i oksigjenit në gjak.
Pra Covid-19 “pushton” hapësirën e alveolave dhe kjo do të thotë që bllokon transferimin e oksigjenit në gjak dhe si rezultat i kësaj të fundit kur patologjia përshkallëzohet pra përkeqësohet, atëherë mushkëritë dalin jashtë funksionit dhe pacienti kalon në vdekje klinike. Për të evituar që pacienti mos të kalojë në vdekje klinike atëherë përdoren aparaturat që e mbajnë në jetë pacientin në mënyrë artificiale pra ventilatorët e reanimacioni ose respiratorët (mushkëritë artificiale).”, thotë inxhinieri Mertenika.
“Unë i dua t’i jap një ultimatum të pabindurve: Virusi Covid, ky armik i padukshëm po bashkëjeton me ne dhe vazhdon të jetë i rrezikshëm. Respektoni distancën fziko-sociale, desinfektoni shpesh herë duart dhe në ambiente kolektive mbani maskën. Nuk përjashtohet rikthimi i potencialit të këtij virusi. Mosrespektimi i rregullave mund ta sjellë 100% valën e dytë shkatërruese të Covid-19.”
Rregullat të cilët ndikojnë në parandalimin e Covid-19.
1 – Respektoni distancën fiziko-sociale me të tjerët, minimalisht 1,5 m.
2 – Në rast se jeni pranë një klani apo grupi njerëzish apo në urbanë, vendosni qoftë një maskë të lehtë FFP1, pasi ju mbron nga kontaminimi me COVID-19 nga ajri (për shkak të dimensionit të tij, të rendit nm nanometrik, pesha e COVID-19 është e lehtë dhe kjo e bën këtë virus të qëndrojë për një kohë relativisht të gjatë në ajër).
3 – Lani apo dezinfektoni duart hera-herës.
4 – Në këtë kohë të nxehtë bëni kujdes me kondicionerët, pasi një ftohje e lehtë apo një pneumoni e lehtë, është një terren mjaft i përshtatshëm për COVID-19.
5- Ushqehuni shëndetshëm, pra një kulturë dietike dhe sportive të mirë (konsumoni perime, sallata, sa më shumë ujë dhe një vrap i lehtë pasditeve, ose në mëngjes, ju bën të ndiheni mirë).
6 – Në rast se keni vështirësi në frymëmarrje, temperaturë stabël mbinormale, duhet të qëndroni mbyllur dhe të merrni masat e duhura
