Valentina Valentina Pemaj u denoncua dy ditë më parë në Lezhë nga vjehrri i saj, i cili tregonte se ajo e kishte dhunuar. Por në një intervistë të fundit, Valentina ka treguar se historia është ndryshe.
Për “ABC news”, ajo ka thënë se vjehrri e ka dhunuar atë dhe nusen e tij. Ajo ka shtuar madje se vjehrri ka tentuar të fusi në burg atë dhe djalin e tij, pra bashkëshortin e Valentinës. “Ai më ka futur duart në fyt dhe unë e kam shtyrë. Kur kam shkuar te policia, vjehrri im ishte gërvishtur më shumë.
Kur e kam denoncuar herën tjetër desh me fut burrin në fyt. Unë e bëra pak se unë i kam thonjtë, por ai është bërë më shumë. Është shoqëri maskiliste. Unë të them të vërtetën. Vjehrra ime është dhunuar disa herë edhe në sytë e fëmijëve të mi”, thotë ajo. “Desha të bëj edhe një thirrje për të gjitha gratë, jemi në përgjegjësi të paarsimuara.
Edhe unë jam martuar 16-vjeçe dhe gjithmonë ka qenë ajo ideja që gruaja duhet të jetë e përulur. Por nuk është turp të denoncosh dikë. Sepse nesër prej një njeriu të zakonshëm mund të kthehesh në viktimë. Këtu pa vdekur nuk ta jep kush të drejtën”, përfundon nusja.
