Ministri i Shëndetësisë, Armend Zemaj, ka thënë se sot ka marrë zotimin e donatorëve ndërkombëtarë për vazhdimin e përkrahjes me donacione për Ministrinë e Shëndetësisë dhe shëndetësinë e Kosovës.
“Në takimin virtual që zhvilluam sot u vlerësua lartë menaxhimi situatës epidemiologjike si dhe biseduam për donacionet, ndihmën dhe financimin e projekteve të ardhshme të shëndetësisë sonë, të bazuara në nevojat, kërkesat dhe dokumentet strategjike të MSh-së dhe Qeverisë së Kosovës”.
“Deri më tani, për nevojat e institucioneve shëndetësore të Kosovës, janë ofruar donacione ndërkombëtare me pajisje personale mbrojtëse, kite për testim RT PCR, aparatura, ventilatorë, monitorë për pacientë, autoambulanca, shtretër, koncentrator të oksigjenit, medikamente si dhe gjëra të tjera të rëndësisë së veçantë”.
“Aktualisht përmes projekteve janë të angazhuar donatorët nga shtete të ndryshme si: SHBA-të, Japonia, Luksemburgu, Gjermania, Austria, Zvicra, Norvegjia, Turqia, Jordania, Katari, Zyra e Bashkimit Evropian, Agjencinë e Kombeve të Bashkuara (OBSH, UNICEF, UNDP, Banka Botërore)”, ka shkruar Zemaj në rrjetin social Facebook.
