I Dërguari Special i Presidentit amerikan për dialogun midis Beogradit dhe Prishtinës, Richard Grenell, ka folur për diskutimet e djeshme dhe tha se lufta politike midis dy palëve ka kufizuar përparimin ekonomik.
”Ne kemi bërë progres, siç e dini, vitin e kaluar kemi bërë një marrëveshje historike në fluturimin e parë Beograd-Prishtinë, një marrëveshje mbi trafikun hekurudhor dhe rrugor. Përmes këtyre tre marrëveshjeve historike u përpoqëm të lidhim të dy palët për të punuar në fushën ekonomike”, tha ai.
Sipas Grenell, ai do të vazhdojë të të bëjë “presion” për të bërë përparim në negociata.
”Unë jam person që dua të vazhdoj të përpiqem dhe nuk do të pranoj “jo”si përgjigje”.
”Kam qenë në këtë proces për një kohë të gjatë dhe dua që ata të lënë pjesën politike dhe të përqendrohen në krijimin e vendeve të punës”, thotë Grenell.
Ai përsëriti se ekonomia është fokusi i takimit, jo politika.
