Nënë e bir nga fshati Skifteraj i Vitisë kanë vdekur në një aksident të rëndë trafiku gjatë kthimit nga pushimet në Kosovë.
Lajmi është bërë i ditur nga kryetari i Vitisë, Sokol Haliti i cili u ka shprehur ngushëllime familjes Hajdari nga fshati Skifteraj, për humbjen e dy familjarëve të tyre.
Mediat lokale kanë publikuar edhe identitetin e viktimave, gjersa bëhet e ditur se varrimi do të bëhet sot, në orën 17:00, në fshatin Skifteraj, shkruan Reporteri.
Detajet e aksidentit ende nuk janë bërë plotësisht të ditura.
Kujtojmë, se gjatë kësaj vere për shkak të situatës me pandeminë vetëm një numër i vogël i mërgimtarëve kanë vendosur që t’i kalojë pushimet verore në Kosovë.
