Një përleshje masive ka ndodhur mbrëmë në qytetin e Elbasanit, me ç’rast kanë mbetur të plagosur të paktën 7 persona.
Media në Shqipëri raportojnë se përleshja filloi në një lokal mes disa personave që po konsumonin pije alkoolike.
Disa prej të lënduarve ndodhen në spitalin e Elbasanit, ku për njërin prej tyre thuhet se është në gjendje të rëndë.
Policia dhe grupi hetimor kanë shkuar në vendin e ngjarjes dhe po punojnë për zbardhjen e rrethanave të konfliktit.
