Rezultatet e zgjedhjeve në Mal të Zi tashmë dihen. Sipas të dhënave të KQZ-së, Partia Demokratike e Socialistëve, e udhëhequr nga presidenti Millo Gjukanoviq, ka fituar 35.12 për qind të votave, ndërsa koalicioni opozitar “Për ardhmërinë e Malit të Zi” 32.54 për qind të votave.
Më këto rezultate të ngushta duket se fatin për Qeverinë e re të Malit të Zi e ka në dorë një shqiptar, Dritan Abazoviq, kryetar i lëvizjes “Ura” sepse, as partia pro-perëndimore në pushtet dhe as aleanca rivale pro-serbe dhe pro-ruse në opozitë nuk kanë shumicën për tq formuar qeverinë e re në Podgoricë. Analisti politik Fatmir Sheholli, ka deklaruar per keto zhvillim se Kryeministri i Malit të Zi, duhet të jetë shqipëtarë, duke shtuar se “topi” eshte ne oborrin e deputetit Dritan Abazoviq, dhe se ky I fundit duhet te veproj shqip.
Ky është postimi i plotë i Shehollit.
Kryeministër i Malit të Zi shqipëtar ! Dritan Abazoviq e ka rastin historik!
Merre me mend Kosova, Shqipëria, Maqedonia e Veriut dhe Mali i Zi përplot mundësi që shqipëtarët jo vetëm të bëhen faktor determinues në Ballkanin perëndimor, por edhe Amerikë në minijaturë midis Ballkanit!
Dritan, topi është në oborrë tuajin! Vepro shqip !
Një ditë më parë, Dritan Abazoviq zhvilloi një bashkëbisedim me gazetarët e Abc News. Ai tha se votat e tij do ta bëjnë diferencën, ndërsa e cilësoi veten si “Game changer”, personi që do të bëjë edhe ndryshimin e lojës.
“Do ti japim vlerë të re politikës në Mal të Zi. Më ka takuar si shqiptar që pas 30 vitesh ta marr çelësin e regjimit që e përfaqëson Millo Gjukanoviq.
“Çelësi i qeverisë do të varet nga koalicioni ynë. Ne s’kemi për të lejuar që të krijojnë kushte që nuk janë të mira për qytetarët. Më ka takuar si shqiptar që pas 30 vitesh ta mbaj çelësin. Kam pasur shumë sulme, edhe prej partive nacionale shqiptare. Çelësi i qeverisë është që të krijohet qeveria e ekspertëve nuk ka për të pasur ndryshime të politikave të jashtme. Nuk ka nevojë për të pasur frikë”, u shpreh ai.
