Një vajzë e re kishte tentuar vetëvrasjen pasi përndiqej në mënyrë të çmendur nga një djalë 33 vjeç.
Burime zyrtare nga policia thanë se kanë arrestuar të riun e dyshuar, i cili është identifikuar si Kleant Vladi.
Prej muajit Janar, Vladi e përndiqte, telefononte vazhdimisht të renë me inicialet S. Sh.
Sot ai është i ndaluar nga policia.
Njoftimi i Policisë së Tiranës:
Përndiqte prej 8 muajsh 28-vjeçaren, e cila për pasojë tentoi vetëvrasjen, vihet në pranga nga Policia 33-vjeçari.
Specialistët për Hetimin e Krimit në Komisariatin e Policisë Nr.2, pas kallëzimit të marrë nga shtetasja S.Sh., 28 vjeç, se shtetasi K.V., e përndiqte dhe telefonuar vazhdimisht që prej muajit Janar, duke i shkaktuar ankth dhe pasiguri, e cila për pasojë kishte tentuar vetëvrasjen, menjeherë organizuan punën për gjetjen, lokalizimin dhe kapjen e këtij shtetasi.
Pas një punë të mirëorganizuar, bazuar dhe në informacionet e marra në rrugë operative u bë e mundur kapja dhe ndalimi i shtetasit K.V., 33 vjeç, banues në Tiranë
Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprat penale ‘Përndjekja’, ‘Përdorimi me keqdashje i thirrjeve telefonike’ dhe ‘Shkaktimi i vetëvrasjes’.
