Presidenti i Serbisë, Aleksandar Vuçiq, është deklaruar rreth raportimeve për mundësinë e shtyrjes së takimit të 2 shtatorit që është paralajmëruar të mbahet në Shtëpinë e Bardhë në Washington.
Vuçiq ka thënë se mundet të ketë një shtyrje të datës për disa ditë.
“Ekziston një iniciativë për lëvizjen e datës. Unë do të jap një përgjigje. Nuk mendoj se kjo do të jetë e lehtë. A ndiej personalisht një barrë të madhe? – Po, por ajo që mund të garantoj është se unë do të luftoj për interesin e Serbisë, dhe ajo që disa ëndërrojnë, pavarësinë, nuk do të ndodhë”, ka thënë Vuçiq para gazetarëve në Batajnicë, ku mori pjesë në një ushtrim të njësive të Forcave Ajrore të Ushtrisë Serbe, raporton B92.
Ndërsa nga Zyra e kryeministrit në Kosovë për klankosova.tv kanë deklaruar se nuk kanë informacione për shtyrjen e datës së takimit.
