Ushtarët e KFOR-it dorëzuan gjashtë tabela elektronike interaktive, gjashtë video-projektorë dhe gjashtë laptopë në shkollat e Shtërpcës.
Financimi që është projekt i NATO-s do të përmirësojë kushtet dhe aftësitë e sistemit lokal arsimor të përbërë nga gjashtë shkolla fillore dhe të mesme, ku marrin pjesë rreth 2.000 nxënës që i përkasin katër grupeve të ndryshme etnike.
Shkolla ‘Staja Markoviq‘ në Shtërpcë u përurua e para nga komandanti i komandës rajonale me tabelën e bardhë interaktive, ku morën pjesë drejtorët e gjashtë shkollave dhe shumë nxënës që patën mundësinë të provojnë pajisjet e reja .
“Pajisjet elektronike të marra sot do të lehtësojnë mësimin në internet që shkollat tona po implementojnë për të përballuar pandeminë COVID-19, dhe gjithashtu do të mundësojnë një rritje të standardeve tona arsimore drejt niveleve evropiane”, u shpreh zëvendësdrejtori i njërës prej shkollave, Srdjan Ivanoviq.
Po ashtu, drejtoresha e një shkolle tjetër fillore, Ganimete Xhemajli, u shpreh qe ishte e kënaqur me donacionin që, siç u shpreh, me gjasë do të shfrytëzohet nga nxënësit e saj në shator.
Kolonel Figus në fund ritheksoi angazhimin e paanshëm të KFOR-it për të mbështetur të gjitha institucionet në Kosovë që punojnë për bashkëjetesë dhe bashkëpunim midis të gjitha grupeve etnike, me fokus të veçantë në edukimin e brezave të rinj.
