Tre astronautë do ta kalojnë fundjavën në pjesën ruse të Stacionit Ndërkombëtar Hapësinor, pasi në stacion u dallua një defekt.
Kur të ndodhen aty, astronautët do të mbyllin të gjitha zonat në stacion, duke lejuar ekpsertët që ndodhen në Tokë të monitorojnë nivelet e trysnisë së ajrit dhe të gjejnë shkakun e derdhjes.
Komandanti Chris Cassidy dhe ekuipazhi i tij Ivan Vagner dhe Anatoly Ivanishin do të qëndrojnë në modulin e shërbimit Zvezda nga dita e sotme deri në të hënën në mëngjes.
NASA dhe Roscosmos u shprehën se situata nuk shfaq rrezik të menjëhershëm, por është e rëndësishme të gjendet burimi i problemit.
