Zëvendëskryeministri njëherësh ministër i Pushtetit Lokal, Goran Rakiq, së bashku me Drejtorin e Zyrës për Komunitete në Zyrën e Kryeministrit, Ivan Milojeviq, u takuan sot me ambasadorin e Norvegjisë në Prishtinë, Jens Erik Grondahl.
Bëhet e ditur se në takim përveç situatës aktuale në lidhje me koronavirusin dhe rimëkëmbjen ekonomike pas përfundimit të pandemisë, në takim u diskutua edhe për vazhdimin e bashkëpunimit midis ministrisë dhe ambasadës, bashkëpunim i cili deri më tani ka qenë në nivel të lartë.
Bashkëbiseduesit diskutuan gjithashtu për projektet e ardhshme të përbashkëta që do të synojnë një jetë më të mirë dhe kualitative për të gjithë qytetarët në Kosovë.
