Shkollat në Greqi do të hapen për vitin e ri akademik më 7 shtator, pavarësisht rritjes së numrit të infeksioneve në vend, sipas zëdhënësit të qeverisë Stelios Petsas të hënën.
“Kemi një vit shkollor përpara nesh që do të fillojë në shtator, në datën 7,” i tha Petsas, televizionit “Open” të hënën. “Ne do të duhet të përballojmë përsëri të njëjtat sfida themelore. Për të respektuar higjenën personale dhe masat e mbrojtjes. ”
Petsas argumentoi se nëse të rriturit e ruajnë distancimin shoqëror,i lajnë duart shpesh dhe mbajnë maskë, edhe fëmijët do të binden ta bëjnë këtë.
“Ky është elementi kryesor që do të na mbrojë nga përhapja e virusit në mjedisin shkollor,” shtoi ai.
Greqia ka raportuar rritje tre-shifrore të rasteve të reja të viruseve gjatë javëve të kaluara, të cilat kanë sjellë numrin e përgjithshëm në 7.075 raste, nga të cilat 2.488 që nga fillimi i muajit.
Mijëra shqiptarë kanë ngritur jetën e tyre në Greqinë fqinje dhe këto ditë, kthehen nga pushimet në atdhe për të rifilluar punën dhe aktivitetet e tjera në vendin ku po jetojnë.
