Kryeprokurori i Shtetit Aleksandër Lumezi ka rezultuar pozitiv në testimin për COVID-19.
Kështu ka bërë të ditur Zyra e Kryeprokurorit të Shtetit.
“Zyra e Kryeprokurorit të Shtetit njofton opinionin publik se Kryeprokurori i Shtetit, Aleksandër Lumezi, dje e ka bërë testin për Covid19, me ç’rast ka rezultuar pozitiv”.
“Nga momenti i testimit, Kryeprokurori Lumezi është vetizoluar. Gjendja shëndetësore e Kryeprokurorit të Shtetit është e stabile dhe është duke e marrë trajtimin e duhur mjekësor”.
