Ministri i Shëndetësisë, Armend Zemaj, ka kërkuar nga kryeministri, Avdullah Hoti, që deri në përfundim të pandemisë punëtorëve shëndetoësorë t’u paguhet shtesa në të ardhura personale deri në 300 euro në muaj.
Sipas Zemajt, një kërkesë të tillë e ka mbështetur edhe kryeministri, shkruan Telegramisot.com
“Si ministër i Shëndetësisë sot kam kërkuar nga Kryeministri z. Avdullah Hoti, që deri në përfundim të pandemisë, punonjësve shëndetësorë t’u paguhet shtesa në të ardhura personale deri në 300 euro në muaj, bazuar në kategorizimin e bërë sipas rrezikshmërisë së drejtpërdrejtë nga virusi Covid-19. Kërkesë e cila gjeti mbeshtetjen dhe mirëkuptimin e Kryeministrit”, ka shkruar Zemaj.
