Reperi nga Ferizaj, Gramoz Aliu, i njohur si Mozzik, ka nisur një turne për të promovuar albumin e ri.
Ai sot ka qëndruar në qytetin e Mitrovicës ku është takuar me qindra fansa të tij.
Kjo ndërmarrje e tij për të grumbulluar njerëz vjen në kohën e pandemisë së COVID-19 kur tubimet janë të ndaluara.
“Edhe pse ditë më parë Mozzik ka thënë në një video që beson në virusin korona, sot turma e mbledhur nga ai ka shkelur çdo rekomandim nga IKSHPK-ja për maska e distancë sociale. E gjithë kjo tollovi ka ndodhur në sy të Policisë së Kosovës të cilët shihet se nuk kanë reaguar fare për shkeljen e masave anti-covid të dhëna nga Qeveria e Kosovës”.
