Një 7-vjeçar nga Catham County ka humbur betejën me koronavirusin, duke u bërë kështu viktima më e re në moshë në Georgia të Shteteve të Bashkuara.
Sipas të dhënave të publikuara nga instituti shëndetësor shtetëror, vogëlushi nuk kishte sëmundje shoqëruese.
“Çdo viktimë që shkakton koronavirusi është tragjike. Por, të humbasësh një djalë aq të vogël të thyen zemrën. Ne të gjithë e dimë se të rriturit dhe ata persona me sëmundje bashkëshoqëruese janë më të ekspozuar ndaj virusit, por duhet të jemi vigjilentë” – u shpreh Dr. Lawton Davis, drejtori i institutit shëndetësor.
7-vjeçari nuk është viktima e parë në moshë aq të re në ShBA. Vetëm në Florida kanë ndërruar jetë 7 minorenë ku muajin e kaluar, një 9-vjeçare fatkeqësisht u bë viktimë e këtij virusi.
Deri më tani, Catham County ka regjistruar të paktën 5 mijë e 441 të infektuar dhe 74 viktima si pasojë e virusit COVID-19.
