Ditëve në vijim do të mbajë mot i paqëndrueshëm, kryesisht me vranësira, kohë pas kohe me reshje shiu, bën të ditur Prishtina Weather.
Shërbimi i meteorologjisë njofton se “orëve të pasdites priten zhvillime të rrebesheve të shiut me bubullima. Temperaturat do të shënojnë rritje të lehtë, por mbeten pak nën vlera mesatare”.
Sipas PW, ditën e diel do të mbretërojë mot i ndryshueshëm me rrebeshe shiu orëve të pasdites.
Ditën e hënë dhe të martë, pritet të ketë më shumë intervale me diell, mirëpo orëve të pasdites me mundësi për zhvillime të rrebesheve të shiut, njofton PW.
Parashikimi për 7 dhe 8 gusht:
7.08.2020 – Herët në mëngjes vende-vende vazhdojnë reshjet e shiut. Ditën vranësira dhe intervale me diell. Pasdite dhe në mbrëmje rrebeshe shiu me bubullima. Vende-vende reshje vazhdojnë edhe gjatë natës. Temperaturat në vise të ulëta 15C deri 25C, e në vise malore 12C deri 17C. Do të fryjë erë e lehtë dhe mesatare nga veriu-verilindja 3-9m/s. Indeksi UV: 3.
8.08.2020 – Herët në mëngjes reshje lokale shiu. Ditën kryesisht me vranësira dhe intervale me diell. Pasdite vonë dhe në mbrëmje priten rrebeshe shiu me bubullima. Temperaturat në vise të ulëta do të luhaten nga 16C deri 26C, e në vise malore 13C deri 18C. Erë e lehtë dhe mesatare nga veriu-verilindja 3-11m/s. Indeksi UV: 5.
