Koordinatori për dialogun Kosovë-Serbi, Skender Hyseni, ka thënë që gjatë vizitën në Uashington, është angazhuar që çështja e dialogut me Serbinë të mosshtyhet edhe më shumë.
“Në vizitën e Uashingtonit, kam theksuar nevojën e dinamizmit të dialogut, në mënyrë që të përkufizohet në kohë dhe të mos zvarritet dhe të mos rrëshqasë në debate koti”.
Hyseni në një intervistë ekskluzive në Rubikon në Klan Kosova pas kthimit nga Uashingtoni, ka thënë që nuk duhet të dështojmë sërish me përpjekjet për të dialoguar me Serbinë.
“Është e domosdoshme që të shtrohet çështja madhore për diskutim. E ato janë relacionet normale të përhershme Kosovë-Serbi, e që nuk mund të ketë pa njohje reciproke”.
Hyseni ka theksuar se do të insistojë që të takohet me të gjitha grupet parlamentare për t’i informuar për rrjedhën e dialgout.
“Të gjitha palët që kanë qenë të intersuara të njoftohen nga dora e parë, kanë qenë të informuar. I kam kontaktuar të gjithë pa përjashtim”.
Megjithatë, Hyseni ka thënë që ende nuk ka marrë përgjigje për të diskutuar për këtë çështje me kreun e Vetëvendosjes, Albin Kurtin.
