Presidenti i Kosovës, Hashim Thaçi, e ka shpallur Qerim Kelmendin Hero të Kosovës.
Përmes një postimi në llogarinë e tij në Facebook, Thaçi ka thënë se ai ishte një prej veprimtarëve më të hershëm të çështjes kombëtare dhe ndër ushtarët e parë të Ushtrisë Çlirimtare të Kosovës.
“E tërë familja Kelmendi ka dhënë kontribut të madh në organizimin e UÇK-së dhe në luftën tonë për liri. Për kontributin e madh të Shpirtmadhit, siç ne e quanim Qerim Kelmendin në luftë, atë e kam shpallur Hero të Kosovës”, ka shkruar Thaçi.
