Para objektit të Agjencës së Regjistrimin Civil në Prishtinë, me muaj gjatë gjithë orarit të punës krijohet tollovi e personave që duan të aplikojnë për vula apostile. Ministria e Punëve të Brendshme ka vendosur që tash e tutje ky shërbim të kryhet online.
Ministria e Punëve të Brendshme, respektivisht Agjencia për Regjistrim Civil, i njofton të gjithë qytetarët se për shkak të rrezikut nga përhapja e COVID-19, nga sot më 04.08.2020 duhet të caktojnë terminet online për vulosjen me vulë apostile/verifikuese të dokumenteve të Gjendjes Civile.
“Të gjithë qytetarët për të marr këtë shërbim duhet të hynë në këtë link: https://arcterminet.rks-gov.net”, thuhet në njoftimin e MPB-së.
Bëhet e ditur se kërkesën palët mund ta bëjnë personalisht, ndonjëri nga anëtarët e familjes, apo personi i autorizuar.
