10 persona kanë mbetur të lënduar si pasojë e tri aksidenteve që kanë ndodhur dje në Prizren e Suharekë.
Policia raporton se në fshatin Zhur, ka ndodhur një aksident trafiku në mes të dy automjeteve me ngasës meshkuj K/Shqiptar, si pasojë e aksidentit lëndime trupore kanë pësuar tre persona të cilët janë dërguar në Spitalin e Prizrenit për tretman mjekësor ku dy prej tyre pas tretmanit janë liruar.
Një person është lënduar në një aksident trafiku në mes të dy automjeteve me ngasës meshkuj K/Shqiptar në fshatin Shirokë të Suharekës, si pasojë e aksidentit lëndime trupore ka pësuar njëri prej drejtuesve të automjetit i cili ka marrë tretman mjekësor në QKMF Suharekë dhe është liruar.
Ndërkaq në fshatin Petrovë të Prizrenit ka ndodhë një aksident trafiku në mes të dy automjeteve me targa vendore dhe me ngasës meshkuj K/Shqiptar, si pasojë e aksidentit përveç dëmeve materiale, lëndime trupore kanë pësuar dy drejtuesit e automjeteve si dhe 4 pasagjerët tri femra dhe një mashkull K/Shqiptar. Të lënduarit janë dërguar në Qendrën Emergjente te Prizrenit dhe pas tretmanit mjekësor lirohen në shtëpi.
