Kryetari i Bashkimi Demokratik për Integrim Ali Ahmeti, ka bërë të ditur se është ftuar nga Gjykata Speciale.
Ahmeti konfirmoi se do t’i përgjigjet kësaj ftese.
“Po, është e vërtetë. Më ka ftuar Specialja dhe do të shkoj”.
Siç bën të ditur TV 21 në Maqedoninë e Veriut, ai është ftuar në cilësinë e dëshmitarit.
Paraprakisht Gjykata Speciale intervistoi presidentin e Kosovës, Hashim Thaçin në lidhje me luftën e Kosovës me Serbinë.
Nuk dihet nëse edhe ftesa e Ahmetit ka të bëj me intervistimin ose jo të Thaçit.
Si intervistimi i Thaçit dhe ftesa e Ahmetit po vijnë pasi Gjykata Speciale më 24 prill ka paraqitur një aktakuzë për krime lufte dhe krime kundër njerëzimit.
Me Thaçin, në aktakuzë është i përfshirë edhe Kadri Veseli tash kryetar i Partisë Demokratike të Kosovës dhe disa persona të tjerë emrat e të cilëve ende nuk janë bërë publik, shkruan RTV 21 në Maqedoninë e Veriut.
